အားမာန်အလှ

တနွေ တဆောင်း မြေမှာအောင်း၍

နွေဦးရောက်ခါ.....

တိုးထွက်လာကြ....

သဘာဝအလှ... အားမာန်ပြသည်...

နိုင်သည့်စွမ်းဖြင့်

လောကကိုပင် အလှဆင်........။

Tramps and Hawkers (Different versions)

နွေဦးရောက်ပြီ....

နွေဦးရောက်ပြီ...........
တနေ့က ဟိုဘက်ဌာနမှာ ကိစ္စရှိလို့သွားရင်း လမ်းမှာ daffodils လေးတွေ... ခေါင်းပြူထွက်နေတာတွေ့ခဲ့တယ်....ထိပ်နားမှာအဝါရောင်လေးတွေတွေ့လို့ ပန်းတွေပွင့်နေတာလားလို့သေချာငုံ့ကြည့်ခဲ့သေးတယ်..မဟုတ်သေးပါဘူး....
မတ်လလယ်အထိနှင်းကကျသွားတာဆိုတော့.....
သူတို့က နွေဦးရောက်ပြီဆိုပြီး စအထွက်မှာ နှင်းကျတာနဲ့ကြုံလိုက်လို့
ထိပ်ကလေးတွေနာသွားတာဖြစ်မယ်.... ...

သဘာဝတရားကြီးက ဆန်းကြယ်လိုက်တာ...
ပန်းကလေးတွေ တနွေ...တဆောင်း မြေမှာအောင်းနေရပြီးတော့..
နွေဦးရောက်တော့သိတယ်....
ကမန်းကတန်းတိုးထွက်လာကြရှာတာ......
နောက်တပါတ်လောက်ကျရင်တခေါက်ပြန်သွားပြီး ပန်းတွေပွင့်ပြီလား ကြည့်ရမယ်.....

တဆောင်းတွင်းလုံး....လူကတနေ့ ....တနေ့ .... ဌာနနဲ့အိမ်... အိမ်နဲ့ဌာန..... အဲသည်လိုပဲကျင်လည်နေရတော့ တဖြည်းဖြည်းစက်ရုပ်နဲ့တူလာတယ်လို့ခံစားရတယ်......
သည်ကြားထဲ ရာသီဥတုကြီးက အနှုတ်ဒီဂရီကနေမတက်ပဲရှိနေတော့
လူကပိုထိုင်းမှိုင်းတယ်..... အလုပ်လည်းလုပ်သာနေရတယ်....သိပ်တိုးတက်တယ်မထင်မိဘူး
ခုတော့.....နွေဦးရောက်ပြီ.....ပျော်လိုက်တာ....

ရုံးကခွင့်ယူ....တနေရာသွား... လျှောက်လည်... အဲသည်လိုအပြောင်းအလဲလေးကိုတောင့်တလှပြီ
အဲသည်လိုတကယ်လုပ်ပေးဖို့လိုနေပြီမှန်းလည်းသိပေမယ့်... အကြောင်းကြောင်းသော အကြောင်းတွေကြောင့်.... ဘယ်ကိုမှမသွားဖြစ်သေးဘူး........
မေလထဲမှာ ကိုယ်အိမ်ပြောင်းမှာ....သူငယ်ချင်းတယောက်ကလာကူပေးမယ်ပြောတယ်.....
သူလာရင် တနေရာကိုသွားလည်ဖြစ်ရင်ကောင်းမယ်.....

ဒီနေ့ Tramps & Hawkers ဆိုတဲ့သီချင်းလေးတိုက်တိုက်ဆိုင်ဆိုင် နားထောင်မိတယ်...
သူတို့လည်း ကိုယ့်လို နွေကိုမျှော်...နွေမှာပျော်သူတွေပဲလေ......

"တောက်ပတဲ့မိုးပြာရောင်ကောင်းကင်ကြီးအောက်
 နွေရာသီရောက်ရင် ကိုယ်ပျော်တယ်.....
 ညဘယ်နေရာမှာအိပ်ရမလဲလို့ မနက်ထဲကစဉ်းစားစရာမလိုဘူးလေ.....
လယ်တောအိမ်ဖြစ်ဖြစ်...စပါးကျီဖြစ်ဖြစ်.... နွားခြံပဲဖြစ်ဖြစ်....
အို.... ကောက်ရိုးခြောက်တွေကြားရော.... ဘာဖြစ်သေးလဲ...
ရာသီဥတုသာကောင်းလို့ကတော့.... ကိုယ်နေ့တိုင်းပျော်တယ်........"

"I'm happy in the summer time beneath the bright blue sky
Nae thinkin' in the mornin' at nicht where I'm to lie
Barns or byres or anywhere, or oot among the hay
And if the weather does permit, I'm happy every day"

သမိုင်းထဲက ...ဓါတ်ပုံတွေ.. ဓါတ်ပုံထဲကသမိုင်းတွေ..

မြန်မာနိုင်ငံအတွင်းဖြစ်ပျက်ပေါင်းစုံကို အွန်လိုင်းကနေမြင်ပြီး ဒီရက်အတောအတွင်း မျက်ရည်အကြိမ်ကြိမ်ကျမိတယ်...အပြင်ပန်းကမျက်ရည်ကျတယ်ဆိုတာထက် ရင်ထဲမှာပါ ထိထိခိုက်ခိုက်နာကျင်ခံစားရမှုကပိုပါတယ်...

ပထမဓါတ်ပုံ.....

လက်ပံတောင်းတောင်ကြေးနီစီမံကိန်း အစီရင်ခံစာထွက်လာတယ်....
လူထုခေါင်းဆောင်က စီမံကိန်းဒေသက ပြည်သူတွေရှိရာအထိသွားပြီး ရှင်းပြတယ်...
တချို့ကလည်း တကယ့်ကိုဘဝအခြေအနေပျက်ရမှာမို့...တချို့ကလည်း ဘေးပယောဂသွေးထိုးလှုံ့ဆော်မှုတွေ..စတဲ့ စတဲ့ အကြောင်းအမျိုးမျိုးကြောင့်... အစီရင်ခံစာကို လက်မခံနိုင်တဲ့ ဒေသခံအချို့ကဆန္ဒထုတ်ဖော်တဲ့အနေနဲ့
တကမ္ဘာလုံးက လေးစားရတဲ့.. လူထုခေါင်းဆောင်ကိုရှေ့တင်ထားပြီး မကျေနပ်နိုင်ကြောင်း ဆန္ဒဖော်ထုတ်ကြတယ်..... ကိုယ်ကနိုင်ငံရေး...စီးပွါးရေး ဘာပညာရှင်မှ မဟုတ်လေတော့ ကန့်ကွက်တာဖြစ်သင့်တယ်...မဖြစ်သင့်ဘူး မဝေဖန် မစောကြောနိုင်ပါဘူး....
ကိုယ်ပြောချင်တာ အင်တာနက်ပေါ်မှာတွေ့လိုက်မိတဲ့...ကိုယ့်ရင်ထဲကို ထိသွားစေတဲ့ ဓါတ်ပုံလေးတပုံပါ.....
အင်္ကျီအစိမ်းကွက်လေးဝတ်ထားတဲ့ အမျိုးသမီးလေးကဘေးချင်းယှဉ်ရပ်ပြီး သူ့အဖွဲ့ရဲ့ခေါင်းဆောင်အနေနဲ့ကြွေးကြော်သံတွေတိုင်ပေး.... အော်ဟစ်ဆူပူကန့်ကွက်နေတာကို...
ဘေးနားကလက်ကလေးပိုက်လို့..... ဝမ်းသာ...ဝမ်းနည်း..စိတ်ဆိုး...ပျော်ရွှင် ဘာအမူအရာမှမပြပဲ..အခြေအနေကို တည်တည်ငြိမ်ငြိမ် ရင်ဆိုင်နေတဲ့ ဓါတ်ပုံလေးပါ...
သူမရဲ့ ရင်ထဲမှာတော့ စိတ်မကောင်းဖြစ်နေကောင်းဖြစ်နေမယ်ထင်ပေမယ့် (ကိုယ့်အထင်သာ.....မသေချာပါ) မျက်နှာမှာတော့ ချစ်ခြင်းမုန်းခြင်း ထိတ်လန့်တုန်လှုပ်ခြင်းဆိုတဲ့ အမူအရာတွေမပြပဲ ကတိတည်ငြိမ်နေတဲ့...မျက်နှာထားကိုမြင်လိုက်ရတာ...
ကိုယ့်မှာပြောစရာစကားတွေ..ဆွံ့အသွားတဲ့ အထိကို သူမကိုလေးစားစိတ်တွေပိုမိရသလို...
လူထုခေါင်းဆောင်ကောင်း တယောက်ဆိုတာ သည်လိုမျိုးပါလားလို့ သိလိုက်ရတဲ့ ဓါတ်ပုံလေးပါပဲ...
ကိုယ်သာသူမနေရာမှာဆို. .အနည်းဆုံးတော့.. စေတနာကိုနားမလည်လိုက်လေခြင်းဆိုပြီး ငိုမိမယ်ထင်တယ်...

ဒုတိယဓါတ်ပုံ.... (၁) (၂) (၃)

သည် ဒုတိယပုံတွေကိုတော့  "၂၀-၂၂ မတ်လ ၂၀၁၃  မိတ္တီလာ" လို့ပဲခေါင်းစဉ်တပ်လိုက်ပါရစေ...
လူဆိုတာ အခု တစက္ကန့်ပြီး နောက်တစက္ကန့်မှာဘာဖြစ်မယ်မှန်းကြိုမသိနိုင်ကြတာဆိုတော့ ၂၀၁၃ မတ်လ ၂၀ ရက်မနက်ခင်းအထိတော့ ယုံကြည်ရာအသီးသီး...အသားရောင်အမျိုးမျိုးရှိကြတဲ့ ဈေးရောင်းတဲ့လူ...ဈေးဝယ်တဲ့လူ... ရုံးသွားမယ့် သူတွေ... စာမေးပွဲဖြေနေကြတဲ့ကလေးတွေ. ကျောင်းသားမိဘတွေစတဲ့ မိတ္တီလာမြို့သူ မြို့သားတွေဟာ ပုံမှန်လုပ်ဆောင်စရာကိစ္စတွေနဲ့ လည်ပတ်လှုပ်ရှားနေကြမှာပါ..
စိတ်ကူးယဉ် သဲထိတ်ရင်ဖို ရုပ်ရှင်တွေ၊ ဝတ္တုတွေဆိုရင်တော့ ဒါရိုက်တာတွေ...စာရေးဆရာတွေက မည်သို့ဖြစ်သွားလေသည်မသိ.... ဆိုတဲ့ စာတကြောင်းပဲပြလိုက်မှာ....
တကယ့်အဖြစ်အပျက်မှာတော့ ဘယ်လိုဖြစ်တယ်ဆိုတာကို သိလိုက်ပေမယ့်လည်း.... နှစ်ဘက် အစွန်းရောက်အုပ်စု တွေရဲ့ အရိုင်းဆန်ဆန်ဖြေရှင်းမှုတွေအောက်မှာ.... မြေလတ်မြို့တော်ကြီးဟာ ၂ ရက် ၃ ရက် အတွင်း မီးလောင်ပြာကျ.. အပြစ်မဲ့တဲ့ မိသားစု ပေါင်းများစွာ ....... မိသားစုဝင်တွေ ဖရိုဖရဲ အိုးအိမ် စီးပွါးတွေ ..ဆုံးရှုံး....ပျက်စီး....အဖိုးအဖွားတွေရဲ့ စိတ်ထိခိုက်မျက်ဝန်းတွေ... လူမမယ်လေးတွေရဲ့ကြောက်ရွံ့မျက်ဝန်းတွေ.... မြင်ရတိုင်း။ ရင်ထဲမှာ ထိထိခိုက်ခိုက်ခံစားပြီး..မျက်ရည်ကျမိတယ်...

နိုင်ငံရေးအခြေအနေ တခုကနေတခု အပြောင်းအလဲ မှာ...ဒါတွေဟာ မလွဲမသွေတွေ့ ကြုံရမယ် ဆိုပေမယ့်လည်း.....ဒီလိုအဖြစ်တွေထပ်ပြီးမကြုံပါရစေနဲ့လို့...ဆုတောင်းနေမိတယ်။
အားလုံး အားလုံး မိသားစုများ ပျော်ရွှင်ငြိမ်းချမ်းသောနေ့ရက်များကို အတူတကွဖြတ်သန်းနိုင်ကြပါစေ....
တနိုင်ငံတည်းအတူနေထိုင်ကြတဲ့ ဘာသာမတူ...လူမျိုးတူ...လူမျိုးမတူ ဘာသာတူများအချင်းချင်း တဦးကိုတဦး အပြန်အလှန် လေးစားစွာ ချစ်ချစ်ခင်ခင်နေထိုင်သွားနိုင်ကြပါစေ.....
တူညီမေတ္တာဖြင့်

တနင်္ဂနွေ၏ မနက်ခင်း......

အခုလက်ရှိကိုယ်နေနေတဲ့အခန်းလေးက အရှေ့ဘက်တည့်တည့်မဟုတ်ပေမယ့် အရှေ့ကိုမျက်နှာမူထားတော့ ရှားရှားပါးပါးရုံးပိတ်ရက် နေသာတဲ့နေ့ဖြစ်ရင် အိမ်ရှေ့ခန်းလေးကို နေရောင်တွေဝင်နေပုံဟာချစ်စရာကောင်းတယ်....

အိမ်ခန်းထဲကတော့ နောက်ဘက်လှမ်းကြည့်ရင် အခြားအဆောင်တွေနဲ့ community center ကိုသွားတဲ့ လမ်းကလေး.... ဘေးမှာ သစ်ပင်လေးတွေစီစီရီရီ ရှိနေတော့ ကိုယ့်မျက်စိထဲမှာ ချစ်စရာဖြစ်နေပြန်ရော... ခုတလောတော့ မတ်လလယ် ဆောင်းနှောင်းကြွင်းကျန်... နှင်းတွေခပ်ဖွဲဖွဲ ကျထားတာကြောင့် ကပိုကရိုလေးနဲ့.... 

ပြီးခဲ့တဲ့ရက်တွေက အွန်လိုင်းပေါ်မှာတွေ့ရတဲ့ အဖြစ်အပျက်တွေကို မြင်မိပြီး ပညာတတ်ခြင်း... မတတ်ခြင်းရဲ့ နောက်ဆက်တွဲ ဆင်ခြင်ပိုင်းခြားနိုင်စွမ်းရှိခြင်း မရှိခြင်း ကိုဆင်ခြင်မိတော့.... အိမ်က တူမလေးတွေကိုသတိရနေမိတယ်.....

သူတို့လေးတွေကို အချိန်တိုင်းကျောင်းစာ.. အမှတ်.. အဆင့်ဆိုတာတွေနဲ့ မဖိစီးစေပဲ.... ကိုယ်တွေငယ်ငယ်တုန်းကလို...ကလေးဘဝပျော်ပျော်နေ...ကစားချိန်ကစား စာကျက်ချိန်ကျက်... ပြင်ပစာတွေလည်းငယ်ငယ်ထဲက ထိုက်သင့်သလောက်ဖတ်ပြီး... မှန်မှန်ကန်ကန် တွေးခေါ်တတ်တဲ့ အသိလေးတွေရှိစေချင်တယ်..... ပျော်ရွှင်ပါစေ... ကလေးတို့ရေ...

လွမ်းနေမိတဲ့ တူမလေးတွေ

ဘာမှန်းမသိတဲ့ ဆန္ဒတွေပြည့်ချင်နေတဲ့....ငါ

လက်ရှိ ကိုယ်နေတဲ့အရပ်မှာ 

တောင်တွေ တောတွေ 

မတွေ့မိဘူး...... 

စိတ်ထဲမှာတော့.....

ဘယ်မှာရှိနေမယ်မှန်းမသိရတဲ့

တောင်တန်းတွေရဲ့ တဖက်စွန်းကို လျှောက်သွားချင်နေမိတယ်.......

စိတ်တေလေရဲ့အစဟာ ဘယ်ကလာမှန်းမသိလိုက်မိဘူး....

ဘယ်မှာအဆုံးသတ်ချင်တယ်ဆိုတာလည်း မှန်းမမြင်နိုင်သေး...

ဘဝဟာပျော်စရာတွေချည်းပဲ....လို့အမြဲနှလုံးမသွင်းနိုင်

စိတ်ညစ်စရာတွေနဲ့ ကြုံနေရတာလည်းမဟုတ်

တကယ်ဆိုတော့ စိတ်ရှုပ်မိနေသူပါကွယ်.....

တေပြီး လေပြီးတွေးရင်းငေးရင်းသာနေနေမိတော့

နေ့တွေသာတိုက်စားခံလိုက်ရတယ်....

အသိတွေကြီးမလာဘူး။

သူလို ငါလို မနက်ခင်းများ............

ခပ်တည်တည် မနက်ခင်း

တောင်ခိုးဝေဝေ.... မြူခြေဆိုင်းဆိုင်း........

 မိုးတွေရွာတဲ့ မနက်ခင်း.....

ကြည်လင်တဲ့မနက်ခင်း...........

  နှင်းလွင်ပြင်ရဲ့..... မနက်ခင်း တွေ

 ရေခဲမြစ်ရဲ့ မနက်ခင်း

နေခြည်လွှမ်းတဲ့ မနက်ခင်း......

အများအားဖြင့်တော့ ကိုယ့်ရဲ့မနက်ခင်းတွေဟာတိုတောင်းရိုးရှင်းလွန်းလှတယ်...။

 ရုံးဖွင့်ရက်တွေဆို ထားထားတဲ့ အချိန်ဇယားလေးအတိုင်းဝင်အောင် အပြေးအလွှားလေးလုပ်ပြီး ကျောင်းရောက်လေသတည်းပေါ့လေ....

ရုံးပိတ်ရက်ဆိုရင်တော့ အပြည့်အဝအိပ်စက်နေမိလို့ လှတဲ့မနက်ခင်းတွေကို မမြင်လိုက်မိတာများပါတယ်....