မြစ်လယ်မှာ ချစ်လှယ်တုန်းက

မြစ်လယ်မှာ ချစ်လှယ်တုန်းက
မြစ်ရေပြင် လှေလူးလို့
ချစ်ဦးမယ်နှင့်မောင်
ပန်းခူးရအောင်။
လမင်းကလှောင် ၊ ကြယ်ရောင်ကပြုံး
ညဥ့်ဦးကဗျာတည်တဲ့
ငှက်ပလီ ချုံနွယ်ရိပ်မှာ
တိတ်တိတ်ကွယ်ပုန်း။
လေအေးကခုန်ပြန်
ကြင်ဦးရင်မှာမှီလို့
ဆိုတေးစီ မြစ်တစ်ကြောမှာ
စိုးတဲ့အသံ။
လှပသည့် ကာရန် ၊ ပန်းမန်မှာနား
လဝန်းတိမ်မှာကွယ်တော့
မြစ်လယ်မှုန်ဝါး။
လဝန်းတိမ်မှာကွယ်
မြစ်ယံလယ် မှုန်တဝါးမှာ
ရှက်အားကကြွယ်။
တက်ရေးဆန်းကြယ်
ကမ်းစွယ်ရိပ်အကွေ့
ကြက်သီးတလှိုင်လှိုင်ပ
မယ့်သက်ပိုင်ချို နှလုံးရယ်
ပြုံးတထေ့ထေ့။
ကမ်းဆီကို ၀ိုက်ကွေ့လို့
တရွေ့ရွေ့စိုက်လာ
ယက်ပန်းကဖွာ ။
ရွာဦးမှာ၊ သာစေတီမြတ်မြင့်မား
ဗျာဒိတ်တလွင်လွင်မို့
လည်ရှက်တင် ပုံတော်သစ်ရအောင်
ချစ်သက်သေထား ။ ။
ကြည်အေး
(တာရာ ၊ အတွဲ ၁ ၊အမှတ် ၅ ၊ ၁၉၄၇)
http://testmy2.wordpress.com/category/poem/