တယောက်တည်းစကား

ညနေက ကဗျာတပုဒ်ကို စိတ်ထဲကမှတ်မိနေတာ

စိတ်ကလဲဘာဖြစ်မှန်းကိုမသိဘူး

အဲဒီ့ကဗျာကိုပဲပြန်ဖတ်ချင်နေတာလေ။

မတ်မိတာကလဲတပိုင်းတစ...လုံးဝအပြည့်အစုံကိုမမှတ်မိ

ဘယ်မှာဖတ်မိမှန်းလဲမသိ...

အင်တာနက်မှာရှိမှန်းတော့သိတယ်..ကြိုက်လွန်းလို့ ကျမ G talk-

custom message မှာတောင်တင်ထားသေးတာ။

ခက်တာက...ဘယ်ဆိုက်မှာမှန်းမမှတ်မိတော့တာ

မျိုးကအကြံပေးတယ်..Google မှာရှာဖို့ကို..ဒါပေမယ့် ကျမ မှတ်မိထားတဲ့စာသားကနဲနဲလွဲနေတော့ရှာမတွေ့..

နောက်တော့တဆစ်စီပိုင်းရှာမှ တွေ့တော့တယ်

ပျော်လိုက်တာ...ဟောဒါ ကျမအရူးအမူးလိုက်ရှာနေတဲ့ ကဗျာ

ဆရာ စိုင်းဝင်းမြင့်ရဲ့ကဗျာ...(ကျေးဇူးပါဆရာ)

“တယောက်တည်းစကား”တဲ့

မမြင်ရတာတွေ အာရုံမှာ မထင်စေနဲ့
တခြားအသံတွေ မကြားစေနဲ့
ကိုယ့်ကိုယ်ကိုယ် ပျော်ရွှင်အောင်ထား
လူအုပ်ထဲ ဖြတ်လျှောက်
တစ်ယောက်တည်းမနေနဲ့
စိတ်ကိုမနည်းထိန်းထား
ဘာရောဂါမှမဖြစ်ရင် သောက်တဲ့ဆေး
အခုသောက်ရမယ်။
(စိုင်းဝင်းမြင့်)

ကဗျာလေးက ကျမလို စိတ်လေလွင့်သူအတွက်တော့ ကိုယ့်အတွက်ရေးပေးတယ်လို့ကိုထင်တာ။

ရူးတယ်ပြောချင်လည်းပြောကြပါစေကွယ်............

http://testmy2.wordpress.com/2008/07/04/